Grindavík vann Stjörnuna í Garðabæ og skellti í liðsmynd eftir leik.
Alexandra Jóhannsdóttir er í liðinu.
4. umferðinni í Pepsi-deild kvenna lauk í gær en óvænt úrslit litu dagsins ljós í þessari umferð. Botnlið Grindavíkur vann Stjörnuna óvænt á útivelli þar sem tvíburasysturnar Rio og Steffi Hardy voru frábærar. Ray Anthony Jónsson er einnig þjálfari umferðarinnar.
Selfoss náði einnig í sinn fyrsta sigur í sumar þegar liðið skellti FH 4-1. Eva Lind Elíasdóttir, Karitas Tómasdóttir og Brynja Valgeirsdóttir áttu allar góðan leik þar.
Lillý Rut Hlynsdóttir skoraði og átti góðan leik þegar Þór/KA lagði KR 2-0 en Hrafnhildur Agnarsdóttir varði vel og kom í veg fyrir fleiri mörk hjá Norðanstúlkum.
Stefanía Ragnarsdóttir var frábær á miðjunni í sigri Vals á HK/Víkingi. Elín Metta Jensen átti einnig góðan leik þar.
Alexandra Jóhannsdóttir og Andrea Rán Hauksdóttir stjórnuðu síðan umferðinni á miðjunni þegar topplið Breiðabliks vann ÍBV.
Athugasemdir
