Um það bil 1000 stuðningsmenn Liverpool fengu slæmar fréttir í gær þegar flugi þeirra frá Englandi til Kiev var aflýst fyrir úrslitaleik Meistaradeildarinnar á morgun.
Liverpool vinnur nú að því að hjálpa stuðningsmönnunum að ná leiknum á morgun.
„Ég veit að félagið er að reyna allt sem það getur til að finna lausn á þessu," sagði Jurgen Klopp stjóri Liverpool á fréttamannafundi nú rétt í þessu.
„Ég veit að það er ekki mikill tími til stefnu en við reynum að ná öllum til Kiev."
Leikurinn í Kiev annað kvöld hefst klukkan 18:45 að íslenskum tíma.
Athugasemdir