„Við byrjuðum vel en svo lentum við í mótbyr og vorum komnar 2-1 undir. Þá var þetta orðin brekka. Við börðumst en það kostaði okkur að spila ekki nógu vel, því var gott að ná að jafna," sagði Natasha Anasi leikmaður Keflavíkur eftir 2-2 jafntefli við Þrótt í Inkasso deild kvenna í kvöld.
„Við lögðum upp með að pressa eins mikið og við gátum á þær. Við erum öflugar fram á við og vildum reyna að nýta það eins og við gátum," hélt hún áfram og hrósaði svo Þróttarliðinu.
Natasha sem er miðvörður og fyrirliði Keflavíkur átti mjög góðan leik
skoraði bæði mörk Keflavíkur liðsins í kvöld. „Ég er í skýjunum með það, þegar maður er miðvörður þá er alltaf gaman að ná að skora mörk. Ég var mjög ánægð með að ná tveimur mörkum í dag."
Nánar er rætt við hana í sjónvarpinu að ofan.
Athugasemdir