Tveir leikir fóru fram í B-riðli 1. deildar kvenna í dag, en það voru Suðurnesjarliðin Keflavík og Grindavík sem voru hlutskörpust í þessum leikjum.

Grindavík fékk Fjölniskonur í heimsókn. Ekkert mark var skorað í fyrri hálfleik, en í seinni hálfleiknum reyndist Grindavík sterkara liðið.

Linda Eshun skoraði fyrst og Laura Brennan bætti svo við marki tíu mínútum eftir fyrra markið.

2-0 sigur Grindavík staðreynd, en í hinum leiknum vann Keflavík svo risasigur á slöku liði Gróttu.

Grótta er búið að tapa öllum sínum leikjum hingað til og engin breyting var á því í dag. Keflavík skoraði 11 mörk á móti einu frá Gróttu og gríðarlegur munur á liðunum.