Ólafur Brynjólfsson þjálfari Vals í Pepsi-deild kvenna þurfti að sætta sig við fyrsta tap liðsins í deildinni í ár. Valsstelpur heimsóttu Stjörnuna heim í Garðabæinn og töpuðu 3-0.
Ólafur var ánægður með hitt og þetta í leik liðsins en hann viðurkenni að það sé erfitt að spila gegn jafn sterku liði og Stjörnunni þegar liðið gefur mörk.
Ólafur var ánægður með hitt og þetta í leik liðsins en hann viðurkenni að það sé erfitt að spila gegn jafn sterku liði og Stjörnunni þegar liðið gefur mörk.
Lestu um leikinn: Stjarnan 3 - 0 Valur
„Það var margt gott en líka margt vont. Það er mjög erfitt að spila á móti Stjörnunni og gefa mörk í byrjun. Mér fannst við vera ofan á, fyrstu mínúturnar og mér sýndist við vera fara labba yfir þær en síðan gefum við tvö mörk og þá er hjallinn erfiður," sagði Ólafur sem var allt annað en ánægður með fyrstu tvö mörkin sem Stjarnan skoraði í leiknum en vildi þó ekki benda á markvörð sinn, Söndru Sigurðardóttur í þeim efnum.
„Þetta var gjöf. Ég ætla ekki að benda á einn eða neinn. Það er nú einu sinni þannig, að við vinnum sem lið og töpum sem lið og ég ætla ekki að benda á neinn."
„Þetta er hörkubrekka þegar þú ert kominn 2-0 undir. Mér fannst við verða setja á þær í seinni hálfleik en það tókst ekki," sagði Ólafur Brynjólfsson þjálfari Vals.
Viðtalið í heild sinni má sjá í sjónvarpinu hér að ofan.
Athugasemdir
