Ólafur Þór Guðbjörnsson þjálfari Stjörnunnar var ánægður með 3-0 sigur liðsins á Val í toppbaráttu slag í Pepsi-deild kvenna í dag.
Stjarnan komst snemma yfir í leiknum og stuttu seinna juku þær forskotið. Eftir það var aldrei spurning hvert stigin færu.
Stjarnan komst snemma yfir í leiknum og stuttu seinna juku þær forskotið. Eftir það var aldrei spurning hvert stigin færu.
Lestu um leikinn: Stjarnan 3 - 0 Valur
„Þetta eru tvö hörku lið og jöfn lið. Vorum vorum þéttari og sterkari í dag og vorum komnar í þægilega 2-0 stöðu og þá eru þær að reyna sækja og þá opnaðist fyrir okkur og þannig datt þriðja markið inn."
„Mér fannst við í heildina betra liðið og þetta var sanngjarn sigur. Við vorum þolinmóðar og vörðumst og leyfðum þeim að sprikla aðeins. Síðan hægt og rólega fannst mér við taka leikinn yfir og síðan vorum við að sigla þessum heim í seinni hálfleik og biðum eftir að þær myndu opna sig til baka og það gerðist," sagði Óli.
Sandra Sigurðardóttir markvörður Vals var keypt fyrir tímabilið á tvær milljónir króna frá Stjörnunni. Hún gerði sig seka um mistök í fyrsta marki Stjörnunnar og átti þátt í öðru markinu einnig. Hinum megin stóð hin unga og efnilega Berglind Hrund vaktina vel og var einn besti leikmaður vallarins.
„Í dag var alveg klárt hvort væri betri í þessum leik fannst mér. Berglind stóð sig frábærlega og greip vel inní og var með allt sitt á hreinu. Hitt er þeirra vandamál og ég get ekkert verið að skipta mér að því en í dag var ljóst hver var betri markmaðurinn," sagði Ólafur Guðbjörnsson þjálfari Stjörnunnar að lokum.
Athugasemdir