Grigg fékk ekki mikið að spila á EM
Will Grigg er einn umtalaðasti sóknarmaðurinn á EM og ástæðan fyrir því er stuðningslagið fræga um hann.
Grigg var valinn í N-írska landsliðshópinn fyrir EM, en N-Írar féllu úr leik á EM í dag eftir 1-0 tap gegn Wales.
Will Grigg kom ekkert við sögu á mótinu þrátt fyrir að hafa verið duglegur að skora fyrir Wigan á nýliðnu tímabili.
Margir voru ósáttir með það, en enginn var líklega ósáttari en bróðir hans sem lét reiði sína í ljós á Twitter.
„Fjandans grín!! Farðu til fjandans maður," sagði bróðir hans á Twtter. „20 mörk árið 2016. Washington núll, Lafferty eitt, Magennis fjögur, af hverju ekki að gefa honum eitt fjandans tækifæri? Kjaftæði."
Bróðir Grigg var þó fljótur að taka þetta tíst niður.
Athugasemdir
