Lukaku er vikur á samfélagsmiðlunum
Romelu Lukaku, framherji Everton, hefur verið mikið orðaður við Chelsea upp á síðkastið en hann sjálfur hefur nú stigið fram á samskiptamiðlinum Twitter og róað stuðningsmenn Everton aðeins niður, alla vega í bili.
Everton framherji olli fjaðrafoki á laugardag þegar hann setti myndskeið á Instagram síðu sína. Það sýndi Lukaku og hóp af vinum hans í sparkvallafótbolta eða "Five-a-side". Það er nú ekki frásögu færandi nema fyrir þær sakir að völlurinn sem þeir félagar spiluðu á var umkringdur Chelsea-merkjum en þetta var í Los Angeles.
Chelsea hafa stöðugt verið orðaðir við Belgann í sumar og voru nokkrir stuðningsmenn bæði Everton og Chelsea ásamt fjölmiðlum sem sáu þetta sem eitthvers konar vísbendingu frá Belganum.
Lukaku batt enda á það með því að fara á Twitter í gærkvöldi og gera lítið úr þessari æsifréttamennsku.
Smh... hearing all this BS again.. its just a 5 a side game people! Some of you need to chill 😄✌🏿
— R.Lukaku Bolingoli10 (@RomeluLukaku9) June 24, 2017
Saga Lukaku mun samt eflaust halda áfram eitthvað fram eftir sumri og spurning hvort hann verði áfram í Bítlaborginni en Everton hafa sett himinn háan verðmiða á kappann.
Athugasemdir
