Manchester City hefur gefið út myndband sem virðist sýna Eliaquim Mangala, varnarmann Porto, skrifa undir samning við Englandsmeistarana. Engin staðfesting hefur þó verið gefin út á því að Mangala sé orðinn leikmaður City.
Þessi franski landsliðsmaður var í Manchester fyrr í þessum mánuði og í myndbandinu sem hefur síðan verið fjarlægt sést hann gangast undir læknisskoðun.
Þessi franski landsliðsmaður var í Manchester fyrr í þessum mánuði og í myndbandinu sem hefur síðan verið fjarlægt sést hann gangast undir læknisskoðun.
Talsmaður Manchester City segir að brotist hafi verið inn í myndbandakerfi City TV á netinu, ekki væri búið að ganga opinberlega frá samningum.
Mangala kom til Porto 2011 frá Standard Liege og hefur samtals leikið 92 leiki. Í myndbandinu segist hann vera mættur til City til að vinna titla; deildina, bikarinn og Meistaradeildina.
Mangala var ónotaður varamaður hjá franska landsliðinu á HM í Brasilíu.
Athugasemdir