„Ég er mjög sáttur við fyrsta leikinn og liðið spilaði líka frábærlega," segir Þorsteinn Már Ragnarsson sem fiskaði víti og skoraði mark í 2-0 sigri Víkings Ólafsvík gegn Selfossi í kvöld.
Þorsteinn er uppalinn hjá Víkingi en er kominn á lánssamningi frá KR út tímabilið og stimplaði sig vel inn strax í fyrsta leik.
Þorsteinn er uppalinn hjá Víkingi en er kominn á lánssamningi frá KR út tímabilið og stimplaði sig vel inn strax í fyrsta leik.
„Við vorum allir að berjast og spila fyrir hvorn annan. Við byrjuðum illa en svo urðum við betri. Arnar Darri varði frábærlega í byrjun og eftir að við skoruðum þá kveiknaði almennilega á okkur."
„Það er mjög þægilegt að klæðast Víkingsbúningnum aftur. Það er gott að vera kominn heim. Maður þekkir strákana vel og þjálfarann vel."
Víkingar fengu flottan stuðning í kvöld en það voru fleiri Ólsarar en Selfyssingar í stúkunni á Selfossi í kvöld.
„Víkingssveitin og stuðningurinn er frábær bæði á heimaleikjum og útileikjum."
En aðdragandinn að því að þú ferð aftur í Víking?
„Ég vildi fá að spila, taka 90 mínútur og fá sjálfstraust og ánægjuna við að spila fótbolta. Það voru einhverjar fyrirspurnir úr Pepsi-deildinni en ég vildi bara fara heim. Það er gott að koma heim í sveitina," segir Þorsteinn.
„Það væri vissulega geðveikt að komast upp með liðinu en við tökum einn leik í einu og sjáum hvar það endar. Það getur allt gerst og fimm til sex lið að berjast um annað sætið."
Viðtalið má sjá í sjónvarpinu hér að ofan.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir