Milos Milojevic, þjálfari Víkings spjallaði við fréttamenn eftir 1-0 sigurinn gegn KR í kvöld. Hann staðfesti þá að leikmaður sem hefur spilað í Slóveníu væri á leið til félagsins.
„Ég er nánast búinn að ganga frá einum kaupum. Hann er ekki framherji. Þetta eru ekki kaup, það kaupir enginn leikmenn á Íslandi, við fáum þá alla frítt og svo spila þeir fyrir smá pening."
„Hann getur spilað sem framliggjandi miðjumaður og á kantinum. Hann var fenginn, óháð því sem gerðist með Gary Martin," en Gary Martin er á leiðinni til Lilleström.
Milos sagðist hafa fylgst með honum, þó hann væri ekki frændi sinn.
„Hann er ekki frændi minn en ég hef fylgst með honum. Ég vildi fá hann í vetur en það voru ekki aðstæður til þess, því hann var samningsbundinn liði í Slóveníu."
Athugasemdir