Bradley með besta vini sínum.
Everton ætlar að halda góðgerðarleik til að fagna lífi Bradley Lowery. Bradley fangaði hug og hjörtu fótboltaáhugafólks um allan heim, en hann lést í byrjun júlí eftir hetjulega baráttu við krabbamein.
Bradley var stuðningsmaður Sunderland, en hann var einnig dáður og dýrkaður hjá Everton. Félagið styrkti meðal annars söfnun Bradley um 200 þúsund pund í september á síðasta ári.
Bradley var stuðningsmaður Sunderland, en hann var einnig dáður og dýrkaður hjá Everton. Félagið styrkti meðal annars söfnun Bradley um 200 þúsund pund í september á síðasta ári.
Nú hefur Everton ákveðið að heiðra Bradley með góðgerðarleik. Frægir einstaklingar munu reima á sig takkaskó og heiðra Bradley.
Góðgerðarleikurinn verður í september.
„Það var heiður fyrir mig að þekkja hann og fjölskyldu hans í þennan stutta tíma," sagði Bill Kenwright, formaður Everton.
Bradley fylgdi leikmönnum Sunderland og Everton út á völlinn fyrir leik liðanna í fyrri umferð ensku úrvalsdeildarinnar á síðasta tímabili. Í kjölfarið var Bradley og fjölskyldu hans boðið á Goodison Park fyrir leik liðanna síðar á tímabilinu. Þar skemmti Bradley sér konunglega.
Athugasemdir
