Guðjón Bjarni Hálfdánarson þjálfari Árborgar í 4. deildinni vísar öllum kenningum um veðmálasvindl á bug en Árborg tapaði mjög óvænt fyrir Afríku í gær.
Árborg er í efsta sæti A-riðils 4. deildar og var fyrir leikinn með 24 stiga forskot á Afríku sem hefur verið á botni deildarinnar í mörg ár og unnið sárafáa leiki.
Árborg er í efsta sæti A-riðils 4. deildar og var fyrir leikinn með 24 stiga forskot á Afríku sem hefur verið á botni deildarinnar í mörg ár og unnið sárafáa leiki.
Guðjón Bjarni sá sig knúinn til að gefa frá sér tilkynningu á Facebook varðandi þessi óvæntu úrslit en Afríka vann leikinn 2-1.
Kenningar hafa verið uppi um að þeir hafi tapað viljandi til að velja sér andstæðing í úrslitakeppninni og þá hafa vaknað grunsemdir um að veðmálasvindl hafi átt sér stað.
Hér að neðan má sjá tilkynninguna frá Gunnari:
Varðandi úrslit kvöldsins hjá Árborg þá ætla ég að svara eftirfarandi spurningum fyrirfram:
1. Árborg var ekki að veðja á leikinn.
2. Árborg ætlaði ekki að tapa leiknum til að velja sér andstæðing í úrslitakeppninni.
3. Árborg reyndi allt sitt besta til að vinna en því miður gekk það ekki.
Að þessu sögðu þá er öllum frjálst að henda í öll komment, alla brandara og hvað annað sem ykkur dettur í hug. Við eigum það allt skilið.
Þrátt fyrir þetta þá vonumst við til að fá ykkar stuðning í úrslitakeppninni, því í sumar höfum við sýnt að við eigum séns á að vinna stóru leikina þó við töpum alltaf á móti þeim litlu.
Takk fyrir og bless
ÁRBORG ALLT!
Athugasemdir