Nýtt met féll í spænsku úrvalsdeildinni í dag þegar Valencia vann sigur á nýliðum Leganes í fyrsta leik dagsins.

Diego Alves, markvörður Valencia, gerði sér nefnilega lítið fyrir og varði vítaspyrnu Alexander Szymanowski eftir rúmlega klukkutíma leik.

Þetta var sautjánda vítaspyrnan sem Alves ver á níu ára ferli sínum í La Liga en áður hann gekk í raðir Valencia lék hann með Almeria.

Á þeim tíma hefur hann 35 sinnum þurft að verjast vítaspyrnu og tekist það í sautján skipti. Gamla metið átti spænska goðsögnin Andoni Zubizarreta sem varði sextán vítaspyrnur á sínum ferli í La Liga.