Viðtöl: Tómas Meyer
Milos Milojevic.
Víkingur vann Íslandsmeistara FH 1-0 í næst síðustu umferð Pepsi-deildarinnar í dag. Víkingar höfðu bara að keppa upp á stoltið og FH-ingar voru krýndir Íslandsmeistarar á dögunum. Vægi leiksins var því ekki mikið.
Lestu um leikinn: Víkingur R. 1 - 0 FH
„Færanýting okkar var ekki góð í dag en það er kannski þeirra markverði að þakka. Okkar markvörður var líka frábær í dag. Hann sýnir að hann getur meira en hann hefur sýnt gegn liðum sem eru fyrir neðan okkur. Það eru góð merki um að hann getur meira," segir Milos Milojevic, þjálfari Víkinga.
Milos segist ekki sáttur við uppskeru sumarsins, stigasöfnunin hefði mátt ganga betur. Hann er þó ánægður með hve mikið heimavöllurinn hefur gefið. Víkingar hafa sótt 23 stig af 29 stigum sínum á heimavelli og eru með besta heimavallarárangur deildarinnar.
„Ef við hefðum bara spilað í Víkinni værum við Íslandsmeistarar, því miður er það ekki í boði," segir Milos léttur en viðtalið við hann má sjá í spilaranum hér að ofan.
Róbert Örn Óskarsson, markvörður Víkinga, var maður leiksins. Viðtal við hann má sjá hér að neðan en við biðjumst velvirðingar á hljóðtruflunum.
„Það var nóg að gera hjá báðum markvörðum," segir Róbert sem er ekki sáttur við uppskeru Víkinga í sumar. „Ég er metnaðarfullur og vill meira en að sigla lygnan sjó."
Athugasemdir
