Zinedine Zidane, þjálfari Real Madrid, tók Cristiano Ronaldo af velli gegn Las Palmas í gærkvöldi. Staðan var 2-1 þegar Ronaldo fór af velli en Las Palmas tókst að jafna leikinn undir lokin og tryggja sér 2-2 jafntefli.
Ronaldo átti ekki alveg sinn besta leik og ákvað Zidane að taka hann af velli en Real Madrid mætir Dortmund í Meistaradeildinni í vikunni og var Frakkinn eflaust með þann leik í huga.
Portúgalinn var allt annað en sáttur við að vera tekinn af velli og sást blanda af furðu og reiðissvip á honum ásamt því að hann horfði ekki í augun á Zidane er hann labbaði framhjá honum á leið sinni af vellinum.
Hér að neðan má sjá svipinn á Ronaldo á bekknum í gær en eins og sjá má, var hann ekki í að deyja úr kátínu.
All of us right now. pic.twitter.com/rwLGkrAUtT
— CR7 Fans | Ronaldo (@Cr7Prince4ever) September 24, 2016
Athugasemdir