Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 25. september 2017 07:00
Ívan Guðjón Baldursson
Þór/KA/Hamrarnir bikarmeistarar - Andrea Mist í marki
Þór/KA/Hamrarnir eru bæði Íslands- og bikarmeistarar
Þór/KA/Hamrarnir eru bæði Íslands- og bikarmeistarar
Mynd: Heimasíða Þórs - Palli Jóh
Þór/KA/Hamrarnir urðu bikarmeistarar í 2. flokki kvenna í gær með 1-0 sigri á Stjörnunni. Liðið er þar með tvöfaldur meistari en það hafði áður tryggt sér Íslandsmeistaratitilinn.

Andrea Mist Pálsdóttir, útileikmaður Þórs/KA í Pepsi-deild kvenna, varði mark 2. flokks í gær vegna markmannsvandræða.

Margrét Árnadóttir skoraði sigurmarkið í fyrri hálfleik, en hún hefur komið nokkuð við sögu með aðalliði Þórs/KA á tímabilinu.

Auk þeirra Margrétar og Andreu Mistar hafði Karen María Sigurgeirsdóttir nóg að gera um helgina en leikmennirnir þrír tóku allar einhvern þátt í 3-2 tapinu gegn Grindavík í Pepsi-deildinni degi áður. Þá hafði Kolbrún Tinna Eyjólfsdóttir varnarmaður Stjörnunnar verið í byrjunarliði meistaraflokks gegn Breiðablik á laugardag.

Við óskum norðanstúlkum til hamingju með árangurinn.
Athugasemdir
banner
banner
banner