Leikurinn byrjaði ótrúlega og Suarez stimplaði sig strax inn með því að leggja upp mark á Neymar eftir einungis fjórar mínútur.

Real komu því tilbaka því á 35. mínútu fengu þeir vítaspyrnu eftir að Gerard Pique hafði handleikið knöttinn í teignum. Það var að sjálfsögðu Christiano Ronaldo sem fór á punktinn og skoraði úr henni.

Í síðari hálfleik fengu heimamenn svo hornspyrnu á 50. mínútu. Þar var það varnarbuffið Pepe sem hoppaði hæstur manna og stangaði knöttinn í netið. Heimamenn því komnir yfir.

Á 60. mínútu geystust Real Madrid í skyndisókn. Hún endaði með marki eftir frábæran samleik þeirra Isco, Ronaldo og James Rodriguez og það var svo Karim Benzema sem batt endahnútinn á frábæra sókn.

Suarez var svo tekinn útaf á 69. mínútu og inná fyrir hann kom Pedro. Einungis þremur mínútum síðar fó Iniesta svo meiddur útaf og inná fyrir hann Sergi Roberto.

Barcelona voru töluvert meira með boltann í leiknum en áttu erfitt með að brjóta vörn Real Madrid niður. Real Madrid átti þó töluvert fleiri marktilraunir og skyndisóknir þeirra voru gríðarlega hættulegar. Real Madrid fara því upp í 21 stig, stigi á eftir Barcelona.