Stuðningsmennirnir spenntir
,,Í aungablikinu myndi ég segja að líkurnar séu 60/40 á að hann skrifi undir," sagði Marc Iles blaðamaður hjá The Bolton News við Fótbolta.net í dag aðspurður út í Eið Smára Guðjohnsen.
Eiður Smári hefur æft með Bolton að undanförnu og líkurnar aukast með hverjum deginum á að hann semji við félagið.
Eiður Smári hefur æft með Bolton að undanförnu og líkurnar aukast með hverjum deginum á að hann semji við félagið.
,,Í fyrstu var ég í vafa um að Bolton myndi hafa efni á honum en ég heyri alltaf að þetta sé líklegra og líklegra. Formaðurinn (Phil Gartside) settist niður með Eiði á föstudag til aðr æða samningsmál og Neil Lennon (stjóri Bolton) mun nú taka lokaákvörðun eftir að hafa skoðað hann í leik," sagði Iles.
,,Ég hef sjálfur ekki séð mikið af Eiði síðan hann fór úr enska boltanum og tími hans í Belgíu var ekki sá besti."
,,Ég held að reynsla hans gæti hjálpað hópnum gifurlega mikið en félagið er ekki sterkt fjárhagslega og þessi samningur má ekki koma á kostnað leikmanns sem er að spila í hverri viku."
Stuðningsmenn Bolton eru gífurlega spenntir fyrir því að fá Eið til félagsins á nýjan leik.
,,Stuðningsmennirnir hættu varla að syngja nafn hans í leiknum gegn Blackpool um helgina. Hann yrði mjög vinsæll hjá félaginu ef að samningar nást," sagði Iles.
Athugasemdir