Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 25. nóvember 2014 20:22
Brynjar Ingi Erluson
Stuðningsmenn Man Utd háværastir í ensku úrvalsdeildinni
Manchester United er með háværustu stuðningsmennina í úrvalsdeildinni
Manchester United er með háværustu stuðningsmennina í úrvalsdeildinni
Mynd: Getty Images
Stuðningsmenn Manchester United eru þeir háværustu í ensku úrvalsdeildinni en Mirror greinir frá þessu í kvöld.

Old Trafford er þá háværastur allra leikvanga í úrvalsdeildinni.

Mirror birti grein sem byggir á tölum frá samtökum íþróttafréttamanna en þeir nota appið, Sound Meter til þess að mæla lætin á leikvöngunum.

Hávaðinn í stuðningsmönnum Manchester United mældist 163 dB en mælt var bæði á heima- og útivelli.

Stuðningsmenn West Ham og Aston Villa eru í neðstu sætunum með 152 dB en það vekur mikla athygli að Liverpool er einungis með 153 dB.

Old Trafford er þá háværasti leikvangurinn en næst á eftir koma Emirates, heimavöllur Arsenal og Britannia, heimavöllur Stoke.
Athugasemdir
banner