Mourinho segir að La Liga sé ekki besta deildin.
Jose Mourinho, stjóri Chelsea, segir það kolrangt hjá Gareth Bale að spænska La Liga sé besta deild í heimi.
Bale er leikmaður Real Madrid, liðsins sem Mourinho þjálfaði áður en hann tók við Chelsea á nýjan leik, og sagði Walesverjinn að La Liga væri betri en enska úrvalsdeildin.
Bale er leikmaður Real Madrid, liðsins sem Mourinho þjálfaði áður en hann tók við Chelsea á nýjan leik, og sagði Walesverjinn að La Liga væri betri en enska úrvalsdeildin.
,,Bale sagði þetta bara því hann er að spila þar," sagði Mourinho.
,,Maður verður að virða það sem hann segir, en ég var þarna líka. Ég vann La Liga, ég tapaði La Liga, og ég þekki mjög vel muninn á La Liga og ensku úrvalsdeildinni."
,,Að fara inn í leiki og vita fyrir víst að þú munir vinna er ekki það besta. Á Spáni vita það allir að tvö lið eru langbest. Þriðja liðið Atletico er að standa sig frábærlega og vann í fyrra, en það er ekki eðlilegt."
,,En á eftir þessum liðum er munurinn fáránlegur og þess vegna er stigametið 100 stig og lið hafa skorað 126 mörk. Á Englandi er það gersamlega ómögulegt. Ef einhver getur skorað 126 mörk og náð 100 stigum er þetta ekki besta deildin, það er klárt."
Athugasemdir
