Franska stórliðið Paris Saint Germain hefur ákveðið að blanda sér í baráttuna um Adnan Januzaj, leikmann Manchester United en Le Parisien greinir frá þessu í dag.
Januzaj mun líklega fara frá Manchester United á láni í janúar en Louis van Gaal, stjóri liðsins, vill gefa honum aukna reynslu.
PSG hefur mikinn áhuga á að fá Januzaj á láni en félagið þarf að passa eyðslu í leikmenn útaf fjárhagsreglum FFP.
Belgíski landsliðsmaðurinn vill ólmur spila Meistaradeildarfótbolta og heillar PSG hann mikið en Real Sociedad og Napoli vilja meðal annars fá hann.
Athugasemdir