Það bendir allt til þess að Asier Illarramendi yfirgefi Real Madrid í sumar en spænski miðjumaðurinn hefur ekki náð að festa sig í sessi síðan hann kom frá Real Sociedad sumarið 2013.
Spænska dagblaðið El Confidencial segir að Liverpool fylgist með gangi mála hjá þessum varnarsinnaða miðjumanni.
Athletic Bilbao hefur einnig áhuga á Illarramendi og reyndi að fá hann til sín í janúarglugganum. Þá vill Real Sociedad gjarnan fá hann til baka.
Talið er að möguleikar Liverpool á að fá hann velti mikið á því hvort liðið nái að tryggja sér Meistaradeildarsæti. El Confidencial segir Xabi Alonso hafa hvatt Illarramendi til að fara til Liverpool og telur hann leikmanninn henta leikstíl enska liðsins afar vel.
Athugasemdir