Philippe Coutinho hefur hvatt liðsfélaga sína til að læra af mistökum sínum og vanmeta ekki Leicester City þegar liðin mætast annað kvöld.
Liverpool tapaði 2-0 gegn Hull City fyrr í mánuðinum sem var fimmti leikur liðsins í röð án sigurs.
Liðið sneri þó aftur á beinu brautina gegn Tottenham í síðasta leik og hef Coutinho nú brýnt fyrir liðsfélögum sínum að þeir hafi ekki efni á að gera fleiri mistök.
„Við verðum að ganga inn á völlinn með 100% einbeitingu og reyna gera það sama og við gerðum gegn Tottenham" sagði Coutinho við Sky Sports en Liverpool heimsækir King Power völlinn á mánudaginn, heimavöll Englandsmeistara Leicester sem ráku stjóra sinn, Claudio Ranieri, í vikunni.
„Við vorum ekki 100% einbeittir gegn Hull, ég veit ekki af hverju en stundum gerist það. Þú verður að spila vel frá fyrstu mínútu í ensku úrvalsdeildinni."
Liverpool er í fimmta sæti ensku úrvalsdeildarinnar, 13 stigum frá toppliði Chelsea.
Athugasemdir