Gylfi fagnar því að fá Eið aftur í hópinn.
„Við erum að komast í stand eftir svona langt ferðalag en ég held að allir séu að verða góðir núna," segir Gylfi Þór Sigurðsson en undirbúningur stendur yfir hér í Kasakstan fyrir leikinn gegn heimamönnum á laugardag.
Sex tíma mismunur er milli Kasakstan og Íslands, leikurinn hefst 21:00 að staðartíma á laugardag en 15:00 á Íslandi.
Sex tíma mismunur er milli Kasakstan og Íslands, leikurinn hefst 21:00 að staðartíma á laugardag en 15:00 á Íslandi.
„Það tók eina til tvær nætur að jafna sig. Maður vaknar enn á nóttunni og nær ekki að sofna aftur en ég held að næsta nótt verði vonandi góð."
Líklegt er að Kasakstan verði aftarlega á vellinum á laugardag.
„Þeir verjast á mjög mörgum mönnum og þetta verður örugglega svipað og Lettaleikurinn. Þeir hafa samt verið að pressa liðin í byrjun leikja á heimavelli. Kannski vegna þess að spilað er á gervigrasi og liðin eru ekki vön því," segir Gylfi sem fagnar því að sjálfsögðu eins og aðrir að fá Eið Smára Guðjohnsen aftur í hópinn.
„Það er mjög jákvætt að hafa mann með reynsluna og gæðin sem Eiður býr yfir."
Viðtalið má sjá í heild í sjónvarpinu hér að ofan.
Athugasemdir
