Það kom mörgum á óvart að sóknarmaðurinn Jón Daði Böðvarsson var geymdur á bekknum þegar Ísland vann Kosóvó á föstudaginn. Fótbolti.net spjallaði við Jón Daða fyrir utan hótel landsliðsins í Dublin þar sem liðið spilar vináttuleik við Íra á þriðjudaginn.
Jón Daði fer ekki leynt með það að svekkjandi hafi verið að missa sæti sitt.
„Eðlilega var ég svekktur, það væri skrýtið ef maður væri sáttur við að vera á bekknum, En ég er ekki stærri en einhver annar. Ég tók þessu eins og maður og ákvað að koma með alvöru kraft af bekknum þá," segir Jón Daði.
Næsti mótsleikur er risastór gegn Króatíu í júní. Jón Daði segist ákveðinn í að vinna sæti sitt til baka fyrir þann leik.
„Að sjálfsögðu er það stefnan. Ekki bara með landsliðinu, líka að gera vel með félagsliðinu sem ég er í. Það er einn dagur í einu og ég vil sjá hvern einasta dag sem bætingu. Svo sér maður í framhaldinu hvert það leiðir mann."
Á þriðjudag leikur Ísland vináttulandsleik gegn Írum. Hvernig er Jón Daði gíraður fyrir þann leik?
„Ég er mjög spenntur. Þetta er skemmtilegt lið að spila á móti. Þetta verður örugglega flottur leikur og mikilvægt fyrir allt liðið að fá þennan leik. Sérstaklega fyrir þá sem hafa kannski ekki spilað mikið. Það verður gott að mæta sterkum í Írum."
Viðtalið er í heild í sjónvarpinu hér að ofan.
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir