Tveimur áhugaverðum leikjum var að ljúka í ensku úrvalsdeildinni núna fyrir stuttu. Þrír leikir eru spilaðir í deildinni í kvöld, en leikur Crystal Palace og Tottenham hófst seinna.

Arsenal þurfti á þremur stigum að halda gegn Englandsmeisturum Leicester og þeim tókst að ná í þau.

Leikurinn spilaðist þannig að Arsenal hélt boltanum mikið án þess að skapa mikið af færum. Það leit allt út fyrir að leikurinn myndi enda með markalausu jafntefli, alveg fram á 86. mínútu.

Þá skoraði varnarmaðurinn Robert Huth sjálfsmark sem skilaði Arsenal sigrinum. Arsenal heldur sér í Meistaradeildarbaráttu.

Það þarf eitthvað mikið að gerast til þess að Sunderland spili ekki í Championship-deildinni á næsta tímabili. Middlesbrough heldur í vonina eftir sigur á Sunderland í kvöld.