Þrír leikir verða í ensku úrvalsdeildinni í kvöld, tveir þeirra hefjast 18:45 og einn 19.
Arsenal mætir Englandsmeisturum Leicester. Alex Oxlade-Chamberlain gæti spilað þrátt fyrir að hafa yfirgefið leikvanginn á hækjum þegar Arsenal vann Manchester City í bikarnum á sunnudaginn.
Hjá Leicester eru Wes Morgan og Islam Slimani á meiðslalistanum. Þá spilar Nampalys Mendy ekki meira á tímabilinu vegna meiðsla.
Tvö lélegustu lið deildarinnar eigast við þegar Middlesbrough mætir Sunderland. Gaston Ramirez er í banni hjá Boro og Sebastian Larsson hjá Sunderland.
Klukkan 19 mætast Crystal Palace og Tottenham en heimamenn eiga í miklum meiðslavandræðum. James Tomkins gæti verið úr leik út tímabilið vegna alvarlegra ökklameiðsla og Scott Dann er einnig meiddur.
Sá leikur er sýndur beint á Stöð 2 Sport en hinir tveir leikirnir verða ekki í beinni.
Leikir kvöldsins:
18:45 Arsenal - Leicester City
18:45 Middlesbrough - Sunderland
19:00 Crystal Palace - Tottenham Hotspur (Stöð 2 Sport)
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir