Heimild: BBC
Ajax tilkynnti í gær að félagið hafi tekið ákvörðun um að breyta nafninu á leikvangi félagsins, Ajax Amsterdam Arena og hér eftir muni hann heita Johan Cruyff Arena til heiðurs hollensku goðsögninni sem lést í fyrra.
Johan Cruyff er talinn einn af bestu fótboltamönnum allra tíma. Hann lék í 11 ár með Ajax á tveimur tímabilum. Hann stýrði liðinu einnig í þrjú ár frá árinu 1985.
Fyrst þegar hann lék með liðinu vann hann deildina sex sinnum og Evrópukeppnir þrisvar.
Hann lést 24. mars í fyrra eftir baráttu við lungnakrabbamein.
Athugasemdir