Moyes er í vondum málum.
Sunderland er í sannkölluðum skítamálum á botni ensku úrvalsdeildarinnar. Eftir tap gegn Middlesbrough í kvöld er liðið tíu stigum frá öruggu sæti og á fimm leiki eftir.
„Við fengum ekki góð úrslit , en mér fannst við spila vel. Þeir fengu engin færi fyrir utan markið. Við gáfum þeim slakt mark, en ég get ekki kennt leikmönnunum um," sagði David Moyes, stjóri Sunderland, eftir 1-0 tap gegn Boro í kvöld.
„Við fengum ekki góð úrslit , en mér fannst við spila vel. Þeir fengu engin færi fyrir utan markið. Við gáfum þeim slakt mark, en ég get ekki kennt leikmönnunum um," sagði David Moyes, stjóri Sunderland, eftir 1-0 tap gegn Boro í kvöld.
„Stundum gera litlu hlutirnir mesta muninn. Við fengum á okkur mark, en eftir það spiluðum við mjög vel."
Moyes heldur í vonina þrátt fyrir að allt líti út fyrir það að Sunderland spili í Championship-deildinni á næstu leiktíð.
„Á meðan möguleikinn er til staðar, þá höldum við áfram. Góð frammistaða leiðir til úrslita, þannig virkar hlutirnir," sagði hann.
„Mér finnst við hafa verið að spila vel í síðustu leikjum. Við vitum hver staða okkar er, við erum ekki heimskir, við vitum nákvæmlega hvar við erum. Við verðum að reyna að vinna alla leiki," sagði Moyes að lokum.
Athugasemdir
