Mónakó er lið sem hefur unnið hug og hjörtu fótboltaáhugamanna með frammistöðu sinni í Meistaradeild Evrópu. Þeir mættu Paris Saint-Germain í franska bikarnum í kvöld og steinlágu.

Mónakó hvíldi marga af sínum bestu mönnum og spiluðu Kylian Mbappe og Falcao m.a. ekki. Þeir voru ekki einu sinni í hóp.

Það kostaði Mónakó því þeir fengu skell á Parc des Princes í París í kvöld. Lokatölur 5-0 fyrir PSG, sem byrjaði með sterkara lið.

PSG fer í bikarúrslit, en Mónakó er komið í undanúrslit Meistaradeildarinnar. Þar mæta þeir Juventus.