Rashford veitir ekki mikið af viðtölum en hann samþykkti að tala við Telegraph og opnaði sig aðeins um lífið utan vallar.

Þar segir hann meðal annars frá því að hann eigi fáa en nána vini.

„Vinahópur minn er frekar lokaður. Ég er ekki að taka inn nýtt fólk, kannski er það neikvætt en ég gef ekki neinum tækifæri til að hafa neikvæð áhrif á mig," segir Rashford.

„Ég umgengst sömu vini og ég gerði þegar ég var 7-10 ára."

Framtíð Zlatan Ibrahimovic í boltanum er í óvissu eftir að hann meiddist illa í Evrópudeildarleik gegn Anderlecht. Rashford segir að Zlatan hafi gert sig betri.

„Á næstu árum mun sjást hvað ég hef grætt af því að vera með honum í liði. Það sem ég hef lært af honum er ómetanlegt," segir Rashford.