Real Madrid hvíldi marga lykilmenn eins og Cristiano Ronaldo, Gareth Bale og Karim Benzema í kvöld, en þrátt fyrir það burstaði liðið Deportivo á útivelli. Sergio Ramos var einnig í banni.

Þeir leikmenn sem hafa mikið vermt varamannabekkinn á tímabilinu stigu upp og kláruðu leikinn fyrir Madrídinga.

Alvaro Morata kom þeim á bragðið, James Rodriguez skoraði tvö og Lucas Vazquez, Isco og Casemiro gerðu hin mörkin.

Real Madrid vann að lokum 6-2 og er komið upp að hliða Barcelona. Real á leik til góða, en ljóst er að mikil spenna er framundan um deildartitilinn á Spáni.

Útlitið verður verra fyrir Sverri Inga og félaga í Granada. Þeir voru ekki að spila í kvöld, en Leganes vann og er Granada því núna tíu stigum frá fallsæti þegar fjórir leikir eru eftir.

Real Sociedad ætlar sér í Evrópukeppni, þeir unnu Valencia og eru í sjötta sæti. Í góðum málum varðandi Evrópudeildina.