„Það var erfitt að brjóta Leicester niður, en við vorum þolinmóðir og gáfum engin færi á okkur," sagði Arsene Wenger, stjóri Arsenal eftir 1-0 sigur á Leicester í kvöld.
„Við sköpuðum nokkur hættuleg færi. Við þurftum að gefa allt á sunnudaginn, við þurftum að spila framlengingu."
„Við sköpuðum nokkur hættuleg færi. Við þurftum að gefa allt á sunnudaginn, við þurftum að spila framlengingu."
Arsenal er enn í Meistaradeildarbaráttu og Wenger heldur í vonina. Hann hugsar bara um sitt lið, engin önnur.
„Allir sigrar gefa þér auka hvatningu. Ég held ekki með neinu liði í Manchester-slagnum, við hugsum ekki um önnur lið," sagði Wenger, en Man Utd og Man City mætast á morgun.
Furðulegt atvik átti sér stað undir lok leiks þegar Christian Fuchs, bakvörður Leicester kastaði boltanum í Alexis Sanchez, leikmann Arsenal, sem lét sig falla með tilþrifum.
„Ég tel að Christian Fuchs hafi átt að fá gult spjald í lokin og Sanchez líka," sagði Wenger.
Athugasemdir