Real Madrid hefur ekki haft samband við Liverpool til að reyna að kaupa Mohamed Salah samkvæmt frétt Sky í dag.

Í slúðurpakka dagsins kom fram að Liverpool ætli að hafna öllum tilboðum frá Real í Salah í sumar og að félagið verðmeti hann á 200 milljónir punda í dag.

Samkvæmt frétt Sky hefur Real hins vegar ekki haft samband við Liverpool vegna leikmannsins.

Salah hefur slegið í gegn hjá Liverpool síðan hann kom frá Roma á 34 milljónir punda í fyrrasumar en hann hefur skorað 43 mörk á tímabilinu.