Fannst vanta gæði á síðasta þriðjunginn til að klára sigurinn
Hermann var ánægður með frammistöðu síns liðs þrátt fyrir jafntefli
Hermann Hreiðarsson var ánægður með leik sinna manna í Ólafsvík í kvöld:
"Ég var mjög sáttur við leikinn í raun. Við höldum boltanum gríðarlega vel og stjórnum tempóinu. Komumst í fyrirgjafir en vantaði gæði á síðasta þriðjungnum. Þeir eiga á 90 mínútum eitt skot í innkast!"
"Ég var mjög sáttur við leikinn í raun. Við höldum boltanum gríðarlega vel og stjórnum tempóinu. Komumst í fyrirgjafir en vantaði gæði á síðasta þriðjungnum. Þeir eiga á 90 mínútum eitt skot í innkast!"
Hermann notaði aðeins eina skiptingu í leiknum en var ekki á því að það hefði endilega hjálpað til að klára þrjú stig, pressan hafi verið góð en ekki hefði tekist að skapa færi til að skora markið sem þurfti.
Hann var líka handviss um að Eyjamenn hefðu átt að víti í leiknum:
"Það sást ekki bara, heldur heyrðist alveg til Egilsstaða" sagði þjálfarinn sem steig öflug dansspor á línunni þegar umrætt atvik átti sér stað, en náði sér bara í gult spjald hjá dómara leiksins.
"Fullkominn leikur er frábær frammistaða og þrjú stig, en þetta var frábær frammistaða og eitt stig."
Hermann fer nánar í leik kvöldsins, ræðir frammistöðu Guðjóns í markinu og leikskipulag Eyjamanna í viðtalinu sem fylgir fréttinni.
