,,Það var mikil veisla í síðari hálfleik og menn nýttu færin. Ég var sáttur við mína menn allan leikinn. Þetta voru ekki algjörir yfirburðir en mér fannst við þó vera alltaf hættulegir," sagði Magnús Gylfason þjálfari Vals eftir 4-0 sigur liðsins á Keflavík í kvöld.
Rúnar Már Sigurjónsson skoraði tvívegis í dag en hann er kominn af stað eftir að hafa verið meiddur í vor.
,,Rúnar er geysilega sterkur og hann er búinn að vaxa og vaxa. Hann spilaði ekki fótbolta í fimm vikur og þarf sinn tíma en hann er hörkuleikmaður og við vissum það."
Rúnar skoraði síðara mark sitt úr vítaspyrnu en í síðasta heimaleik Vals misnotaði Kristinn Freyr Sigurðsson víti. Magnús segir að Rúnar sé ekki orðinn föst vítaskytta hjá Val.
,,Nei nei, nei. Við finnum út úr þessu í hverjum leik, athugum málið og skoðum þetta," sagði Magnús.
Hér að ofan má sjá viðtalið í heild sinni.
