Þórður ræðir við Heimi Guðjónsson þjálfara FH í dag.
,,Hann sópaði ekki nógu mikið," svaraði Þórður Þórðarson þjálfari ÍA í gríni eftir 2-0 tap gegn FH í Kaplakrika í kvöld aðspurður um fjarveru Jóhannesar Karls Guðjónssonar miðjumanns liðsins og skaut þar með létt á ummæli Guðjóns Þórðarsonar fyrrverandi þjálfara liðsins og föður Jóhannesar Karls sem gagnrýndi í vikunni hvernig Þórður hefur notað hann í liðinu.
,,Hann er veikur, það er ekkert flókið. Hann veiktist í morgun og það var vandamálið," bætti hann við en vill hann svara ummælum Guðjóns.
,,Nei ég þarf þess ekki. Er Guðjón að þjálfa eitthvað lið í dag? Ég þarf ekki að segja neitt meira."
Nánar er rætt við Þórð í sjónvarpinu hér að ofan og um leikinn segir hann:
,,Mér fannst við spila sterkan varnarleik í fyrri hálfleik eins og við lögðum upp með og þeir voru ekkert að ógna okkur, nokkur skot en ekkert að komast í gegnum okkur. Seinni hálfleikur byrjaði ágætlega en FHingar fengu mörk sem voru af ódýrari gerðinni hjá okkur, vel gert hjá þeim samt."
