John Arne Riise, fyrrum leikmaður Liverpool, er á förum frá Apoel í Kýpur.

Riise varð tvöfaldur meistari með Apoel á nýliðnu tímabili en þessi 34 ára gamli Norðmaður er nú í leit að nýju félagi.

„Ég gæti farið aftur til Noregs en ég tel að ég eigi ennþá nokkur ár inni erlendis," sagði Riise á bloggsíðu sinni.

„Ég ætla að taka langt sumarfrí og sjá síðan hver næsti áfangastaður verður."