Rúnar Páll Sigmundsson, þjálfari Stjörnunnar var nokkuð sáttur við 1-1 jafntefli sinna manna gegn FH í kvöld.
Lestu um leikinn: Stjarnan 1 - 1 FH
„Þegar maður skoðar leikinn aftur þá er þetta sanngjarnt jafntefli. Auðvitað hefði ég viljað klára þennan leik. Þeir komust ekkert áleiðis gegn okkur."
„Þeir fá ódýra hornspyrnu og skora úr henni. Það er eitthvað sem við ætluðum ekki að láta gerast. Þeir eru sterkir í föstum leikatriðum."
Rúnar segir það ekki hafa verið lagt upp að skora snemma leiks en Ólafur Karl Finsen skoraði mark Stjörnunar eftir aðeins sex mínútna leik.
„Nei, ekki þannig, við mættum til leiks og skorum mark í byrjun. En það var ekki lagt upp."
Rúnar segir að sitt lið hafi getað nýtt skyndisóknir sínar betur í leiknum.
„Við hefðum getað gert það, þegar við breikum á þá. Við hefðum getað nýtt það aðeins betur."
Michael Præst kom til baka eftir löng meiðsli í dag en Halldór Orri Björnsson hafði leyst hann af í miðverðinum. Rúnar segir Halldór alls ekki vera miðvörð.
„Halldór Orri hefur leyst þessa stöðu en Halldór er ekki miðjumaður fyrir fimm aura."
Athugasemdir