Eina leik kvöldsins í 4. deild karla var að ljúka, en Léttir fékk þá Kormák/Hvöt í heimsókn í Breiðholtið.

Heimamenn voru sterkari og snemma í fyrri hálfleik skoraði Haukur Már Ólafsson og kom Létti yfir.

Haukur Már var svo aftur á ferðinni stuttu eftir fyrsta mark sitt og staðan orðin 2-0 og þannig var hún í hálfleik.

Léttir bætti síðan við þriðja marki sínu í upphafi seinni hálfleiks þegar Sigurður Þór Arnarsson skoraði.

Þar við sat og 3-0 sigur Léttis staðreynd. Liðið er nú með fjögur stig á toppi C-riðils, en á meðan er Kormákur/Hvöt án stig, þó eftir bara þennan leik.

Markaskorarar af urslit.net