AGF og OB mættust í Íslendingaslag í Árósum. Með AGF leikur Theódór Elmar Bjarnason og með OB leika þeir Hallgrímur Jónasson og Ari Freyr Skúlason.

OB er búið að gefa Ara Frey frí fyrir EM og því var hann ekki með í kvöld, en Hallgrímur byrjaði og Theódór Elmar var á bekknum hjá AGF.

Það fór svo að heimamenn höfðu betur í leiknum, en sigurmarkið skoraði Danny Olsen á 73. mínútu. Theódór Elmar kom af bekknum um miðjan seinni hálfleikinn og spilaði síðasta hálftímann.

Rúnar Alex Rúnarsson varði mark Nordsjælland í síðustu umferð og fékk þá þrjú mörk á sig. Í kvöld varði hann mark liðsins aftur og hélt hreinu, en liðið vann 1-0 sigur á Viborg með marki frá Joshua John.

Þá kom Guðlaugur Victor Pálsson inn á sem varamaður í 4-1 tapi gegn København, en København tryggði sér titilinn í síðustu umferð. Það var fyrsti deildarmeistaratitillinn frá 2013 og því kærkominn.

AGF 2 - 1 OB
1-0 Morten Rasmussen (´11 )
1-1 Lucas Jensen (´62 )
2-1 Danny Olsen (´73 )

Nordsjælland 1 - 0 Viborg
1-0 Joshua John (´20 )

Esbjerg 1 - 4 København
1-0 Kevin Mensah (´33 )
1-1 Federico Santander (´61 )
1-2 Nicolai Jørgensen (´67, víti )
1-3 Federico Santander (´69 )
1-4 Nicolai Jørgensen (´81 )