Klara Bjartmarz, framkvæmdastjóri KSÍ, vísaði málum ofangreindra þjálfara til aga- og úrskurðarnefndar í samræmi við 21.1. í reglugerð KSÍ um aga- og úrskurðarmál.

Hermann tók Hannes Gústafsson, stjórnarmann ÍBV, hálstaki eftir leik liðanna á dögunum.

Þorvaldur kýldi Reyni Leósson, þjálfara HK, í punginn eftir leik liðanna í byrjun mánaðarins. Þorvaldur gerði lítið úr málinu í viðtali á Fótbolta.net í gærkvöldi þegar hann var spurður út í ákvörðun Klöru að vísa málinu til aga- og úrskurðarnefndar.

„Það er bara hennar ákvörðun. Henni vantar örugglega eitthvað í sjóðinn til að ferðast erlendis. Ég gerði ekkert af mér og þetta er bara búið og gert. Ég hef ekkert meira um það að segja," sagði Þorvaldur í viðtalinu í gær.