Það var draumaúrslitaleikur í tyrkneska bikarnum í kvöld þegar Galatasaray og Fenerbache mættust.

Liðin eru gríðarlegir erkifjendur og má hér að neðan sjá myndband frá Copa 90 til marks um það.

Það fór svo í kvöld að Þjóðverjinn Lukas Podolski skoraði eina mark leiksins eftir rúman hálftíma og reyndist hann hetja Galatasaray.

Því er Galatasaray bikarmeistari í Tyrklandi, en það er þriðja árið í röð sem það gerist. Frammistaða liðsins í deildinni olli þó miklum vonbrigðum, en liðið endaði í 6. sæti.