A-riðill
Það var mikið fjör í Mosfellsbænum þar sem gestirnir frá Herði komu í heimsókn. Harðarmenn í felulitabúningum komust yfir strax í byrjun en heimamenn svöruðu um hæl. Næst komust heimamenn yfir með marki úr aukaspyrnu áður en þeir bættu við því þriðja. Harðarmenn bitu frá sér með góðu marki áður en eitt af mörkum ársins leit dagsins ljós undir lok fyrri hálfleiks en þá kom mark eftir frábæra fyrirgjöf með rabona spyrnu. Staðan var 4-2 í hálfleik. Heimamenn voru alltaf skrefinu á undan og bætti Jóhann Andri Kristjánsson fljótlega við tveim mörkum í þeim seinni og samtals þrennu. Gestirnir náðu að svara áður en yfir lauk með marki úr vítaspyrnu og heimamenn áttu svo seinast orðið og 7-3 sigur staðreynd.

Hvíti Riddarinn 7 - 3 Hörður Ísafirði
0-1 Andrés Hjörvar Sigurðsson
1-1 Hörður Steinar Harðarson
2-1 Þorfinnur Gústaf Þorfinnsson
3-1 Eiríkur Þór Bjarkason
3-2 Magnús Ingi Einarsson
4-2 Jóhann Andri Kristjánsson
5-2 Jóhann Andri Kristjánsson
6-2 Jóhann Andri Kristjánsson
6-3 Hinrik Elís Jónsson (Víti)
7-3 Hörður Steinar Harðarson

D - riðill
Í D riðli komu heima menn í KB gríðarlega sterkir til leiks og gjörsamlega völtuðu yfir gestina frá Mídas í fyrri hálfleik með fjórum mörkum. Algjör einstefna var að marki Mídasar í fyrri hálfleik. Leikar jöfnuðust talsvert í þeim síðari þar sem gestirnir voru talsvert sterkari en þeim tókst einungis að skora eitt mark og þar við sat.

KB 4 - 1 Mídas
Markaskorar sendist á [email protected]

Þá vöktu búningar Harðar og KB skemmtilega athygli eins og sjá má hér að neðan.

Hörður Ísafirði spilar í felulitum í 4. deildinni. Sjást illa á frábærum velli á Tungubökkum. Ákveðið svindl! #fotboltinet pic.twitter.com/oYNwVAa7M6

— Magnús Már Einarsson (@maggimar) May 26, 2017

Bara í #passionleague fara menn aftur til ársins 1985 i buningavali pic.twitter.com/aBDnxBYfKj

— magnus bodvarsson (@zicknut) May 26, 2017