Lestu um leikinn: Fram 2 -  1 ÍR

„Við erum ógeðslega svekktir en við bjuggum þetta til fyrir þá og verðum að kyngja þessu, sagði Arnar í viðtali eftir leikinn.

Jónatan Hrjóbartsson hafði komið ÍR yfir á 63. mínútu áður en þeir Ivan Bubalo og Brynjar Kristmundsson skoruðu fyrir Fram og tryggðu heimamönnum sigurinn.

„Við lögðum upp með að halda stöðum og fara ekki úr þeim, við gerðum það í 92 mínútur og 45 sekúndur og svo hlaupum við út úr stöðu; mark."

„Ég er sáttur með skipulagið eins og í síðustu leikjum en við þurfum að vera beittari fram á við. Það tók okkur 45 mínútur að venjast þessum glæsilega leikvangi hérna, hann er stærri en aðrir vellir."

Arnari fannst sínir menn missa einbeitinguna undir lokin og hafi þess vegna misst þetta niður. ÍRingar eru með eitt stig eftir fjórar umferðir og gerir Arnar sér grein fyrir því að betur má ef duga skal.

„Við bara gleymum okkur tvisvar og förum út úr stöðum og þá skora þeir tvö mörk. Við getum ekki farið í gegnum móti með því að spila ógeðslega vel og fá engin stig."