Brasilíski bakvörðurinn Dani Alves er genginn til liðs við Ítalíumeistara Juventus en hann kemur til félagsins frá Barcelona.
Samningur Alves við Barcelona er á enda runninn og þarf Juventus því ekkert að borga fyrir þennan 33 ára gamla leikmann.
Alves hefur verið í herbúðum Börsunga frá árinu 2008 þegar hann kom til félagsins frá Sevilla. Hann hefur unnið La Liga sex sinnum, Meistaradeild Evrópu þrisvar og spænska Konungsbikarinn fimm sinnum, þar af einu sinni með Sevilla en hann vann einnig Evrópudeildina tvívegis með Sevilla.
Alves er annar leikmaðurinn sem Juventus fær til sín í sumar en áður hafði Juve keypt Miralem Pjanic frá Roma fyrir rúmar þrjátíu milljónir evra en liðið seldi Alvaro Morata til Real Madrid.
Look who's just landed in Turin! ✈
— JuventusFC (@juventusfcen) June 26, 2016
Welcome, @DaniAlvesD2! pic.twitter.com/ZCZVukmQX1
Athugasemdir