Jimmy Bullard, fyrrum leikmaður í ensku úrvalsdeildinni, býst við þægilegum sigri Englands gegn Íslandi á morgun.
Hann segir þó að Íslendingar hafi sýnt það á EM að þeir eru engir aular.
„Nú fer mótið af stað fyrir alvöru og við fáum ekki betra tækifæri til að komast í 8-liða úrslit á stórmóti. Það er ekki hægt að afskrifa Ísland, þeir hafa sýnt að þeir eru engir aular," segir Bullard í pistli sínum.
„Ég tel að við séum með of gott lið fyrir Ísland. Þrátt fyrir að þeir spili skipulagðan varnarleik erum við með gæði til að vinna þennan leik á þægilegan hátt. Ég er ánægður með að við sluppum við að mæta Portúgal."
Bullard telur að England gæti unnið mótið.
Athugasemdir