Slutsky hefur þjálfað CSKA Moskvu samhliða starfi sínu sem landsliðsþjálfari og mun nú aðeins einbeita sér að starfi sínu hjá CSKA.

Hann tók við starfi landsliðsþjálfara eftir brottrekstur Fabio Capello í ágúst. Hann kom liðinu á EM í Frakklandi, en þar var árangurinn hreint út sagt ömurlegur.

„Eftir mót eins og þetta þá þarf einhver taka við stjórninni," sagði Slutsky eftir síðasta leik á mótinu í Frakklandi.

Rússland mun halda HM eftir tvö ár og liðið ætlar sér stóra hluti þar. Þekkt nöfn í þjálfaraheiminum eins og Manuel Pellegrini og Guus Hiddink, sem einmitt stýrði Rússlandi um árið, hafa verið orðaðir við starfið.