Leikmenn karlaliðs Breiðabliks fóru nýstárlegar leiðir þegar þeir héldu skemmtidag í gær.

Tíu dagar eru á milli leikja í Pepsi-deildinni núna og eftir 2-0 sigur gegn Víkingi Ólafsvík á sunnudag þá ákváðu Blikar að þjappa hópnum saman og taka skemmtidag í gær.

Blikar ákváðu að draga eitt nafn úr leikmannahópnum og hann var steggjaður yfir daginn, þrátt fyrir að engin gifting sé framundan.

Miðjumaðurinn Gísli Eyjólfsson var dreginn út og hann var steggjaður, þrátt fyrir að hann sé einhleypur og ekki á leið að gifta sig.

Blikar létu eins og Gísli væri að fara að giftast stúlku sem heitir Lóa.

Athæfið fékk fína umfjöllun á samfélagsmiðlum eins og sjá má hér að neðan.